06. August 2014

Ol ples balus blong PNG

Hier mal ein Artikel auf Tok Pisin zur Lage der Landeplätze in PNG. Viel Spaß beim Lesen. Am besten tut ihr es laut!  ­čśë

Ol ples balus blong rurel PNG i nidim bikpla halvim
Updated 1 August 2014, 17:24 AEST
Kenya Kala
Moa long haf blong 700 ol liklik rurel ples balus i nidim bikpla maintenans wok na em i hat long ol liklik balus olsem Twin Otter iken igo long kisim pasindia, kako oa kisim ol sik pipol igo long hausik long taun.
PNG igat 21 nesinol ples balus na samting olsem 700 liklik ples balus em i save sevisim ol longwe rurel eria blong kantri.

Moa long haf blong displa 700 ples balus i nidim bikpla bikpla maintenans wok bikos ino gat wanpla ofis i lukautim na planti blong ol ino gutpla long ol liklik Twin Otter balus iken igo longen.

Long 1970’s na ’80s‘, displa ol ples balus longwe long wanpla bik-taun i save wok wea ol misin na gavman wokman wantaim ol vilis pipol i save klinim na katim gras na lukautim.

Nao, planti blong ol i nidim bikpla halvim tru.

John Bromley, em i nupla CEO blong nupla non-profit laen – Rural Airstrip Agency oa RAA.

Displa laen, em PNG Gavman i givim tok orait longen long 2013, igat wanpla bikpla wok na salens blong bungim olgeta ’stakeholders‘, olsem ol misin, gavman na ol pipol blong ples long stretim gut ol ples balus long larem ol liklik balus olsem Twin Otter igo long kisim pasindia, kako oa halvim sik pipol.

„Mipla toktok wantaem nesinol gavman, provinsol gavman na lokol level gavman na mipla kisim moni ikam long ol pinis na displa halvim moni, mipla laik stretim gut ol ples balus long longwe eria blong PNG bikos, displa ol ples balus, em ol i op nao, ino gat pipol long katim gras, ino gat pipol long lukautim ol.“
„Displa mipla laik wokbung wantaem olgeta ’stakeholders‘ long stretim gut ken ol ples balus long rurel eria blong kantri,: Mr Bromley i tok.


flieger-lupo am 9. August 2014 um 00:25 Uhr

Ha, ich hab doch noch mein Tok Pisin-Buch, gleich mal ├╝bersetzen….

LG

Lupo


Kommentar schreiben